Подзвiг юнака
Аляксандр Давідовіч 18-гадовы юнак першае ўдалае баявое хрышчэнне атрымаў у баю каля вескі Юркевічы. На лясной дарозе паказалася аўтамашына з ворагамі. Раздаўся моцны выбух… Уцалелых фашыстаў скасілі трапныя стрэлы партызан. Нікому не ўдалося ўцячы. Падабралі трафеі – зброю, боепрыпасы і зніклі ў лесе. Праз некалькі дзён Аляксандр разам з баявымі сябрамі замініраваў дарогу ля вескі Бялеў. Былі знішчаны дзве варожыя машыны і бронетранспарцер. Трафеі былі вялікімі, Давідовіч узяў з кабуры забітага афіцэра надзвычай зручны парабелум, з якім прайшоў амаль усю вайну.
